"რას ნიშნავს მეუფე პეტრემ მოაწყო? სხვა აბსურდზე გავდივართ..."- რამიშვილი გიორგი ანდრიაძის განცხადებაზე

სამართალი - 14:49, 03 Jul, 2017

3516

ე.წ. ციანიდის საქმეზე ბრალდებული დეკანოზის გიორგი მამალაძის ადვოკატი მიხეილ რამიშვილი გიორგი ანდრიაძის განცხადების იმ ნაწილში ეთანხმება, სადაც საქართველოს საპატრიარქოს წმინდა ანდრია პირველწოდებულის სახელობის უნივერსიტეტის სამეთვალყურეო საბჭოს თავმჯდომარე ამბობს, რომ „ე.წ. ციანიდის საქმე სპექტაკლია".

ადვოკატის თქმით, დეკანოზი აუცილებლად გამართლდება, რადგან მის მიმართ მტკიცებულებები არ არსებობს.

"ანდრიაძე ამბობს, რომ ეს ყველაფერი მეუფე პეტრემ მოაწყო?! მისი განცხადების კომენტირება გამიჭირდება. ირაკლი მამალაძემ დაწერა რომ პატრიარქის მკვლელობაო, მერე შორენასკენ წამოვიდნენ, ახლა სხვა აბსურდზე გავდივართ. რას ნიშნავს მეუფე პეტრემ მოაწყო? ახლა მიხვდნენ, რომ საქმე სპექტაკლია და დარწმუნდნენ, რომ გამამართლებელი გამოვა?! ეს იცით რა მომენტია - ადამიანი ცხენს ვერ მოერია და უნაგირს დაუწყო ცემაო. მე მეუფის ნაცვლად ვერ ვისაუბრებ, ჯობია მან გასცეს პასუხი"- უთხრა "ნიუპოსტს" ადვოკატმა მიხეილ რამიშვილმა.

გიორგი ანდრიაძე თვლის, რომ „ციანიდის საქმე“ ქართული ეკლესიის მტრების მიერ დადგმუმლი სპექტაკლია და დეკანოზ გიორგი მამალაძის დაპატიმრების გამო ატეხილი მთელი დავიდარაბა საქართველოში მართლმადიდებლობის დისკრედიტაციას ემსახურება.