კომპანია „სვეტის“ დამფუძნებლის გატაცების საქმე - ე.წ. მოდულის შენობაში აღნიშნულ საქმეზე დაკავებულებისთვის ბრალის წარდგენის პროცესი მიმდინარეობს. საუბარია დაკავებულ ევან ჩქარეულსა და ნიკოლოზ ბახტაძეზე.

დაკავებულების ადვოკატი იმედა ბეროშვილი მისი დაცვის ქვეშ მყოფებთან ერთად „მოდულის შენობაში“ იმყოფება, მას საქმის მასალები უკვე გადაეცა.

საქმის მასალების მიხედვით ადვოკატის განცხადებით, საქმეში მტკიცებულების სახით დევს ვიდეო ჩანაწერები, სადაც ასახულია კომპანია მშენებელი სამის და კომპანია "სვეტის" წარმომადგენლების შეხვედრა.

ადვოკატი აცხადებს, რომ ბიზნესმენის გატაცებას ადგილი არ ჰქონია და შესაბამისად საქმეში ვერ იქნება ამის ამსახველი ვიდეო მასალა.