პროკურატურა „ბირჟა მაფიის“ დაკავებული წევრისთვის პატიმრობის გირაოთი შეცვლას ითხოვს

სამართალი - 14:35, 12 Jun, 2017

1860

პროკურატურამ „ბირჟა მაფიის“ დაკავებული წევრის, მიხეილ მგალობლიშვილისთვის პატიმრობის გირაოთი შეცვლა მოითხოვა.
ბრალდების მხარე ითხოვს, რომ მგალობლიშვილს დამატებითი გარანტიის სახით სასამართლომ პასპორტი ჩამოართვას.
მოსამართლის გადაწყვეტილება რამდენიმე წუთში გახდება ცნობილი.

შეგახსენებთ, რომ გლდანის მერვე საპყრობილეში დაკავებული მუსიკოსების მოწმის სტატუსით გუშინ დაკითხეს. პროკურატურის წარმომადგენლები გიორგი ქებურიასა და მიხეილ მგალობლიშვილთან მას შემდეგ მივიდნენ, რაც საგამოძიებო უწყებამ იმ პოლიციელების წინააღმდეგ, ვინც ისინი დააკავა, გამოძიება დაიწყო.

გამოძიება პროკურატურის საგამოძიებო ნაწილში პოლიციელთა მხრიდან სამსახურებრივი უფლებამოსილების გადამეტებისა და მტკიცებულებების ფალსიფიკაციის შესაძლო ფაქტზე მიმდინარეობს.

პოლიციამ ნარკოტიკის შეძენა-შენახვის ბრალდებით ჯგუფ „ბირჟა მაფიის" ორი წევრი 9 ივნისს დააკავა.

საქალაქო სასამართლომ გიორგი ქებურიასა და მიხეილ მგალობლიშვილს,აღკვეთის ღონისძიების სახით პატიმრობა შეუფარდა. ბრალდებულები დანაშაულს არ აღიარებენ და ამბობენ, რომ ისინი იმ კლიპის გამო დააკავეს, რომელშიც პოლიციელია გაშარჟებული.