თბილისის საქალაქო სასამართლოში საქართველოს პრეზიდენტის სიძის მინდი გოგოჭურის მეგობრის, მიხეილ თათარაშვილის სასამართლო პროცესი მიმდინარეობს. თათარაშვილს 18 აბი „სუბოტექსის“ შეძენა-შენახვა ედება ბრალად.

სასამართლო პროცესს ბრალდებულის მამა ესწრება. ის იმ პირების პასუხისმგებლობის საკითხის დაყენებას ითხოვს, ვინც მისი თქმით, მის შვილს ნარკოტიკული საშუალება ჩაუდო.

"გივი მაისურაძე, პავლე მაჭარაშვილი და დავით ლობჟანიძე. ეს ის გამომძიებლები არიან, რომლებიც უკვე დაიკითხნენ. ისინი უშუალოდ მონაწილეობდნენ თათარიშვილის დაკავებაში. აბსურდულ ტყუილს ამბობენ. ჩემი შვილი წაიყვანეს და შემდეგ აღმოაჩინეს 18 აბი სუბოტექსი. რაღაც წრე ამ ყველაფერს აწყობს," - განაცხადა ლადო თათრიშვილმა.

პრეზიდენტის შვილის, ანა მარგველაშვილის და სიძის, მინდია გოგოჭურის მეგობარი მიხეილ თათარიშვილი 17 მარტს დააკავეს.