ჩვენებებზე მოტყუებით მოაწერინეს ხელი, ფიზიკურად ვერ წაიკითხავდა, რადგან არ ჰქონდა სათვალე, რომელსაც იყენებს

ჩვენებებზე მოტყუებით მოაწერინეს ხელი, ფიზიკურად ვერ წაიკითხავდა, რადგან არ ჰქონდა სათვალე, რომელსაც იყენებს - რეპერის ადვოკატი

სამართალი - 10:03, 12 Jun, 2017

3230

“ბირჟა მაფიის” ბრალდებული რეპერების, ადვოკატის განცხადებით, საქმეში როგორც გიორგი ქებურიას, ისე მიშა მგალობლიშვილის აღიარებითი ჩვენებები დევს, თუმცა ამ ჩვენებებს მოტყუებით მოაწერინეს ხელი.

გიორგი ქებურიას უფლებადამცველი მერაბ ჩიქოვანი ამბბს, რომ მისი დაცვის ქვეშ მყოფმა გამომძიმბლებთან იმძალადობის ფაქტებზე ისაუბრა რომელიც მათ წინააღმდეგ განხორციელდა.

”გიორგი ქებურიას დანაშაულის აღიარებას ადგილი არ ჰქონია და დოკუმენტი არის გამომძიებლების მიერ დაწერილი”, - აცხადება ადვოკატი.

ჩიქოვანის თქმით, პროკურატურამ გამოძიება თავისუფლების უკანონო აღკვეთისა და პოლიციელების მიერ უფლებამოსილების ბოროტად გამოყენების მუხლებით უნდა დაიწყოს.

გლდანის მერვე საპყრობილეში დაკავებული მუსიკოსების მოწმის სტატუსით დაკითხვა გვიანობამდე მიმდინარეობდა. პროკურატურის წარმომადგენლები გიორგი ქებურიასა და მიხეილ მგალობლიშვილთან მას შემდეგ მივიდნენ, რაც საგამოძიებო უწყებამ იმ პოლიციელების წინააღმდეგ, ვინც ისინი დააკავა, გამოძიება დაიწყო.

გამოძიება პროკურატურის საგამოძიებო ნაწილში პოლიციელთა მხრიდან სამსახურებრივი უფლებამოსილების გადამეტებისა და მტკიცებულებების ფალსიფიკაციის შესაძლო ფაქტზე მიმდინარეობს.

პოლიციამ ნარკოტიკის შეძენა-შენახვის ბრალდებით ჯგუფ „ბირჟა მაფიის" ორი წევრი 9 ივნისს დააკავა.

საქალაქო სასამართლომ გიორგი ქებურიასა და მიხეილ მგალობლიშვილს,აღკვეთის ღონისძიების სახით პატიმრობა შეუფარდა. ბრალდებულები დანაშაულს არ აღიარებენ და ამბობენ, რომ ისინი იმ კლიპის გამო დააკავეს, რომელშიც პოლიციელია გაშარჟებული.