,,ბირჟა მაფიას“ საქმე - რეპერებისთვის აღმკვეთი ღონისძიების შეცვლის საკითხზე სასამართლო ხვალ ან ზეგ იმსჯელებს

სამართალი - 23:43, 11 Jun, 2017

2159

დაკავებული რეპერების გამოკითხვა დასრულდა პროკურატურაში. როგორც დაკავებულების ადვოკატმა გაგი მოსიაშვილმა ჟურნალისტებს განუცხადა, ,,დღეის მდგომარეობით, ფაქტი ამგვარია, რომ გიორგი ქებურიას დაკავება მის მიერ პოლიციელის გაშარჟების გამო მოხდა“. უფლებადამცველმა იმედი გამოთქვა, რომ სასამართლო ობიექტურ გადაწყვეტილებას მიიღებს და აღკვეთ ღონისძიებას შეცვლის.

ადვოკატის ინფორმაციით, სხდომა სასამართლოში ხვალ, ან ზეგისთვის ელის.

”გამოძიება დაწყებულია შსს-ს ცალკეულ თანამშრომელთა მიერ სამსახურეობრივი უფლებამოსილების გადამეტების ფაქტზე, ასევე განსაკუთრებით მძიმე დანაშაულის შესახებ სისხლის სამართლის საქმეზე მტკიცებულებათა ფალსიფიცირების ფაქტზე. გამოძიების პროცესში ქებურია მოწმის სახით დაიკითხა. მან სრულად მიაწოდა გამოძიებას ინფორმაცია, ისაუბრა ფსიქოლოგიურ ზეწოლაზე, დაკავების პროცედურებზე და დაკავების პროცესის ტექნიკურ ხასიათებზე. მთავარი გახლავთ ის, რომ მან გარკვეული პერიოდი ფსიქოლოგიური ზეწოლის და პოლიციის მხრიდან აგრესიული და ცინიკური დამოკიდებულების პირობებში გაძლო”, - აღნიშნა ადვოკატმა.