დაკავებული აზრებაიჯანელი ჟურნალისტის დაცვის მხარე დღეს აზერბაიჯანში სააპელაციო სასამართლოში გაასაჩივრებს აფგან მუხთარლისთვის სამთვიანი წინასწარი პატიმრობის შეფარდების გადაწყვეტილებას. გამოძიება მას საზღვრის უკანონო გადაკვეთისა და კონტრაბანდის მუხლით ედავება, რომელსაც კიდევ ერთი მუხლი - მესაზღვრის მიმართ წინააღმდეგობის გაწევა დაემატა.

"არსებულ 2 ბრალდებას დაემატა მესამეც - სახელმწიფო მოხელისთვის წინააღმდეგობის გაწევა, თუმცა თავად ამბობს, რომ საერთოდ არ უნახავს ეს ჩინოვნიკი. საქართველოში მომხდარ ინციდენტზე ამბობს, რომ გამტაცებლებს პოლიციელების ფორმა ეცვათ, იყო 3 გამტაცებელი და ერთი მძღოლი. მას საქართველოში სცემეს. ვთვლით, რომ მისი დაკავება დიდი უკანონობაა," - განაცხადა ელჩინ სადიყოვმა.

აზერბაიჯანელი ჟურნალისტი აფგან მუხთარლი თბილისიდან ორი დღის წინ გაუჩინარდა. დაკავებული აზერბაიჯანელი ჟურნალისტის ადვოკატი სტრასბურგის სასამართლაში სარჩელის შეტანისთვის ემზადება - „აფგან მუხთარლი აზერბაიჯანისა და საქართველოს წინააღმდეგ".