დაკავებული აზერბაიჯანელი ჟურნალისტის ადვოკატი სტრასბურგის სასამართლაში სარჩელის შეტანისთვის ემზადება - „აფგან მუხთარლი აზერბაიჯანისა და საქართველოს წინააღმდეგ". დაცვის მხარის განცხადებით, ადამიანის საერთაშორისო უფკლებების კონვენციის დარღვევაა ის ფაქტი, რა ფორმითაც ჟურნალისტის დაკავება მოხდა:

"ვფიქრობ, აფგან მუხთარლის გატაცების საქმეში საქართველოს ხელისუფლება აზერბაიჯანულ მხარესთან თანამშრომლობდა, სხვაგვარად თბილისის ცენტრიდან ადამიანის გატაცება და პასპორტის გარეშე საზღვარზე გადაყვანა შეუძლებელი იქნებოდა. ჩვენ ორივე ქვეყანაში მიმდინარე საგამოძიებო პროცესს ყურადღებით ვადევნებთ თვალს. ამ საქმის ობიექტურად გამოძიებას მოვითხოვთ, წინააღმდეგ შემთხვევაში, ადამიანის უფლებათა ევროპულ სასამართლოს მივმართავთ," - აცხადებს აფგან მუხთარლის მეუღლე, ლეილა მუსტაფაევა.

ჟურნალისტის ქართველი ადვოკატისთვის კი გაუგებარია ის განმარტება რაც „მწვანე საზღვართან“ მიმართებით ისმის:

"ალბათ გულისხმობდნენ, რომ მწვანე ბალახზე ფეხშიშველი დადიოდა ალბათ, მაგრამ ფაქტი მის არის, რომ აღიარება, დადასტურება მოხდა იმისა, რომ არსებობს ისეთი მონაკვეთები, სადაც თავზე ტომარა ჩამოცმული ადამიანი შეიძლება გაუჩინარდეს," - აღნიშნსვს არჩილ ჩოფიკაშვილი.