"ოთარ წოწორიასთვის უცნობია ვის ეკუთვნის და როგორ მოხდა იარაღი მის სახლში"- ევრომოსამართლის ძმის ადვოკატი

სამართალი - 21:24, 20 May, 2017

2537

სტრასბურგის სასამართლოს მოსამართლე ნონა წოწორიას ძმის ადვოკატი არნიშნავს, რომ წოწორიამ და მისმა მეუღლემ არ იციან როგორ მოხდა იარაღი მათ საცხოვრებელ სახლში.
მისი თქმით, გამოძიების შეწყვეტა ოთარ წოწორიას უდანაშაულობას ადასტურებს. ადვოკატი აცხადებს, რომ ძალოვანების პირველადი განცხადებები იძლეოდა იმის ვარაუდს, რომ მოსამართლის ოჯახის წევრისთვის ბრალი წაეყენებინათ.
"დანამდვილებით შემიძლია გითხრათ, რომ ოჯახში გამუდმებით ცხოვრობდა ორი პიროვნება - ბატონი ოთარი და მისი მეუღლე. ოჯახში ცხოვრობდნენ მათი არასრულწლოვანი შვილებიც. ბატონი ოთარისთვის და მისი მეუღლისთვის უცნობია, როგორ მოხდა ეს იარაღი მათ საცხოვრებელ სახლში, ან ვის ეკუთვნოდა აღნიშნული იარაღი. ამოუცნობია გამოძიებამ როგორ დაადგინა იარაღის სიმამრის კუთვნილება. ბატონმა ოთარმა გუშინ ჩემი თანდასწრებით, გამოძიებას ახსნა-განმარტება მისცა და სიტყვასიტყვით განმარტა, რომ მისთვის აღნიშნული იარაღის არსებობის შესახებ ცნობილია. მან დაადასტურა ის ფაქტიც რომ იარაღი ჩხრეკის დროს იხილა. ბატონი ოთარის უდანაშაულობა გამოძიების შეწყვეტით დადასტურდა. შსს-ს პირველადი განცხადებების საფუძველზე არსებობდა ვარაუდი, რომ ბრალდება წაეყენებინათ ბატონი ოთარისთვის. მე ჩემს ინტერვიუში ხაზს ვუსვამდი, იმ ფაქტს, რომ წოწორიას სახლში განთავსებულია სახელოსნო და რომც იარაღის აღმოჩენა დადასტურებულიყო სამართალდამცავებს მისი წარმომავლობა უნდა გაერკვიათ, რადგან იქ უამრავი ადამიანი ირევა"- განაცხადა წოწორიას ადვოკატმა.