ადვოკატებმა იცრუეს, დეკანოზის საქმეში ინტიმური ვიდეომასალა არ არსებობს- პროკურირი

სამართალი - 14:14, 19 May, 2017

3415

ე.წ. ციანიდის საქმის პროკურორის, განცხადებით, ბრალდებული დეკანოზის ადვოკატებმა იცრუეს, როდესაც თქვეს, რომ დაკავებულ გიორგი მამალაძეს ინტიმური ვიდეომასალის გამოქვეყნებით აშანტაჟებენ. ჯარჯი წიკლაურმა სკანდალურ განცხადებასთან დაკავშირებით, განმარტება გააკეთა, მისი თქმით, საუბარია მხოლოდ ინტიმური დეტალების არსებობაზე და არა კონკრეტულ ვიდეოზე.

„უკვე მერამდენედ, ადვოკატების მხრიდან ხდება ჩვენი შუამდგომლობების დამახინჯება, ისინი სიცრუეს ტირაჟირებენ. ეს არის ახალმოგონილი სიცრუე , ინტიმური ვიდეომასალა არ არსებობს. ეს ადვოკატმა ხელოვნურად დაამახინჯა“, - განაცხადა პროკურორმა.

ჯარჯი წიკლაურმა ასევე უპასუხა კითხვას დეკანოზის დაკავებასთან დაკავშირებით. პროკურორ უკვირს დეკანოზს ახლა რატომ გაუჩნდა პრეტენზია მისი დაკავებისა და ჩხრეკის პროცედურების შესახებ. წიკლაურს არუ უპასუხია დეკანოზის განცხაების იმ ნაწილზე, სადაც მამალაძემ ამბობს, რომ მისი დაკავება აეროპორტში არ მომხდარა, ჩხრეკა კი პროკურატურაში განხორციელდა.

„მისი დაკავება და პირადი ჩხრეკა მოხდა კანონიერად და შენიშვნა მას არ ჰქონდა. ეს ნახა მოსამართლემაც. ბრალდებული ყოველ სხდომაზე ახალ ინფორმაციას იგონებს და ეს მისი სტრატეგიაა, რომ ეჭვქვეშ დააყენოს ჩვენი მტკიცებულებები“, - განაცხადა პროკურორმა.

შეგახსენებთ, დღევანდელ პროცესზე პროკურორმა განაცხადა, რომ საქმეში დევს მასალები, რომლებიც შეიცავს პირადი ცხოვრების, მათ შორის მესამე პირების ინტიმური ცხოვრების დეტალებს.

ამ წუთებში საქმის მოსამართლე პროცესის დახურვასთან დაკავშირებით, რასაც ბრალდების მხარე ითხოვს, მოსაფიქრებლად არის გასული.