„ცენტრ პოინტის“ საქმე - მაია რჩეულიშვილს ახალი ადვოკატები დაიცავენ. ამის შესახებ იფორმაცია ჟურნალისტებს გიკა რჩეულიშვილმა გააცნო. აღნიშნულზე კომენტარი გააკეთა საქმის პროკურორმა, ლაშა კოტრიკაძემაც.

გუკა რჩეულიშვილის თქმით, მიღებული გადაწყვეტილების მიზეზი საპროცესო შეთანხმებაზე მუშაობა გახდა. მისი თქმით, წინა ადვოკატები სამოქალაქო დავებზე იყვნენ სპეციალიზებულნი:

„დედაჩემის ადვოკატის შევლაზე იყო საუბარი დღეს. საპროცესო შეთანხმებაზე ვმუაშაობთ და ჩვენი ადვოკატები, ძირითადად, არიან სამოქალაქო დავის ადვოკატები, საპროცესოში კი იმდენი პუნქტია, რომ ამ საქმეს ახალი ადვოკატები სჭირდებოდა. ჯერ ადრეა საპროცესოს პირობებზე საუბარი, თუმცა ვმუშაობთ ამ თემაზე“, - აღნიშნა გუკა რჩეულიშვილმა.

ახალი ადვოკატების მიერ საქმის მასალების გაცნობის მიზნით, „ცენტრ პოინტის“ საქმეზე დღევანდელი სხდომა, დაცვის მხარის შუამდგომლობით გადაიდო:

„დღევანდელ სასამართლო პროცესზე შეიცვალნენ მაია რჩეულიშვილის ადვოკატები, პროცესზე ახალი ადვოკატები გამოცხადდნენ, მათ ითხოვეს დრო საქმის გასაცნობად და ამიტომ პროცესი გადაიდო. ჩვენი აზრით, ეს ყველაფერი ემსახურება გაჭიანურებას, თუმცა ჩვენ პროცესს მივიყვანთ გამარჯვებამდე. აუცილებლად მივიყვანთ საქმეს ბოლომდე და დადგება მათი გამამტყუნებელი განაჩენი. საპროცესოს რაც შეეხება, ის გაფორდმება იმ შემთხვევაში, თუ მოხდება დაზარალებულებისთვის ზიანის სრულად ანაზღაურება“, - აღნიშნა პროკურორმა.

საქმის განხილვა 25 მაისს განახლდება.