მეშახტეების მხარდამჭერ აქციაზე დაკავებულები გათავისუფლდნენ

მეშახტეების მხარდამჭერ აქციაზე დაკავებულები გათავისუფლდნენ - პროცესი 19 მაისს ჩაინიშნა

სამართალი - 12:06, 10 May, 2017

1869

გუშინ ღამით, პარლამენტის შენობის წინ, ტყიბულის შახტაში მომხდარი უბედური შემთხვევის სოლიდარობის აქციის მიმდინარეობისას პროფკავშირების წარმომადგენლები ილია ლეჟავა, გოგა ბრეგვაძე და რამაზ მამაიშვილი დააკავეს. აქციის მონაწილეების სასამართლო პროცესი, რომელიც თბილისის საქალაქო სასამართლოში, დღეს უნდა გამართულიყო, დაცვის მხარის შუამდგომლობით გადაიდო.
გადადებული სასამართლო სხდომა 19 მაისს, 16:00 საათზე გაიმართება. აქციაზე დაკავებული 3 პირი მომდევნო სასამართლო პროცესის გამართვამდე თვისუფლებში დატოვეს.

როგორც ერთ-ერთი პროფკავშირების წევრი აღნიშნავს, სმართალდამცველბმა მისთვის დაკავების მიზეზი არ განუმარტავთ.

„ჩვენ გუშინ არაფერი დაგვირღვევია, ვმართავდით აქციას და ვაპროტესტებდით იმას, რომ ტყიბულში სახელმწიფომ მოკლა 4 მუშა. ჩვენ დაკავებისას არ განგვიმარტეს, რატომ გვაკავებდნენ, ჩაგვტენეს მანქანაში და მხოლოდ დღეს სასამართლოზე განმარტეს, რომ დაგვაკავეს პოლიციისთვის წინააღმდეგობის გაწევისთვის, მაგრამ აქ მთავარი არ არის ჩვენი დაკავება, აქ მთავარია, გავიგოთ, რომ ქვეყანაში შახტებში ასე ადამიანები არ უნდა იხოცებოდნენ“ - განაცხადა ილია ლეჟავამ.