"ვიცი, რომ საჭეს ბურჯანაძის შვილი ანზორ ბიწაძე მართავდა"

"ვიცი, რომ საჭეს ბურჯანაძის შვილი ანზორ ბიწაძე მართავდა" - 26 მაისს დაღუპული პოლიციელის დედა

სამართალი - 12:19, 08 May, 2017

19999

26 მაისს დაღუპული პოლიციელის დედა შვილის გარდაცვალებაში ნინო ბურჯანაძის ოჯახს ადანაშაულებს.
ვლადიმერ მასურაშვილის დედამ და „სამართალდამცავთა რეფორმირების ცენტრის“ ხელმძღვანელმა ზვიად კუპრავამ დღეს საქართველოს მთავარი პროკურორის სახელზე საჩივარი შეიტანეს.

აზაურაშვილი აცხადებს, რომ საქმეზე დაკავებული ალექსანდრე ბიბილური აღნიშნულ შემთხვევაში საჭესთან არ იჯდა და მაშინ მანქანას ბურჯანაძის შვილი, ანზორ ბიწაძე მართავდა.

ოჯახი გივი თარგამაძის და ლევან თარხნიშვილის დაკითხვასაც ითხოვს, რადგან გარდაცვლილის დედა, ამბობს, რომ სწორედ მათ მიაწოდეს აღნიშნული ინფორმაცია.

„ჩემი პირადი გამოძიებით და ხალხისგანაც ვიცი, რომ საჭეს მაშინ ანზორ ბიწაძე მართავდა. როცა „ნაციონალური მოძრაობის“ ოფისში მივედი, მაშინ იქ გივი თარგამაძე და ლევან თარხნიშვილი დამხვდნე. მათ მითხრეს, რომ ზედმეტი პოლიტიკური დაძაბულობის და გამწვავების გამო, საქმეზე ალექსანდრე ბიბილური დააკავეს, თუმცა რეალურად, საჭესთან ანზორ ბიწაძე იჯდა. ვითხოვ, 6 წლის მერე მაინც გავიგო, ვინ არის ჩემი შვილის რეალური მკვლელი“,- აცხადებს ანა აზაურაშვილი.