ე.წ. ციანიდის საქმეზე დაკავებული დეკანოზი გიორგი მამალაძს მონახულებას დღეს მისი უფლებადამცველები გეგმავენ. ადვოკატების თქმით, მომავალი სასამართლო პროცესისთვის დაცვის სტრატეგია უნდა შეათანხმონ. ასევე ცნობილია, რომ ისინი კვლავ აპირებენ დააყენონ შუამდგომლობა პროცესის გახსნასთან დაკავშირებით.

ადვოკატი გიორგი ფანცულაია აცხადებს, რომ სასამართლო მიკერძოებულია რადგან არ დაკმაყოფილდა დაცვის მხარის არცერთი შუამდგომლობა:

„რეალურად იმიტომაც დაიხურა სასამართლო პროცესები, რადგან პროკურატურა აბსურდულ პოზიციებს აფიქსირებდა და შემდეგ მოსამართლე ამ აბსურდულ პოზიციებს იზიარებდა,“ - აცხადებს გიორგი ფანცულაია.