გვეცოდინება, რომ უნდა გავაგრძელოთ ისევ ლანძღვის რეჟიმში და უნდა მოვიფიქროთ სხვა სიტუაცია

გვეცოდინება, რომ უნდა გავაგრძელოთ ისევ ლანძღვის რეჟიმში და უნდა მოვიფიქროთ სხვა სიტუაცია - მურუსიძე

სამართალი - 10:43, 28 Apr, 2017

2169

ლევან მურუსიძე აცხადებს, რომ იუსტიციის უმაღლესი საბჭო მოსამართლის შეურაცხყოფისთვის სანქციების დაწესებას არ ითხოვს. უმაღლესი საბჭოს მდივანმა ჟურნალისტებთან განაცხადა, რომ მისთვის გაუგებარია აჟიოტაჟი, რომელიც მოჰყვა იუსტიციის უმაღლესი საბჭოს ინიციატივას.

მურუსიძის თქმით, საუბარი არ არის სანქციებზე, რეგულაციების გამკაცრებაზე.

„გვჭირდება დახმარება, ვითხოვეთ ეს დახმარება. საბჭო ითხოვს ერთ რამეს, რომ ასეთი სიტუაციის გაგრძელება არ შეიძლება და აქედან გამომდინარე ვითხოვთ დახმარებას. გვინდა, რომ მრგვალ მაგიდასთან ყველა შევიკრიბოთ და ვიმსჯელოთ. თუ ეს ნაბიჯი, ჩვენი წინადადება იქნება მიღებული და აღქმული და დავილაპარაკებთ თუ არა და გვეცოდინება, რომ უნდა გავაგრძელოთ ისევ ამ ლანძღვის რეჟიმში და მაშინ უნდა მოვიფიქროთ სხვა სიტუაცია, რომ რაღაცნაირად ამ სიტუაციიდან გამოვიდეთ,“ - განაცხადა ლევან მურუსიძემ.

შეგახსენებთ, რომ ჯერ კიდევ გუშინ სასამართლო ხელისუფლების წარმომადგენლები, სანქციების აუცილებლობასა და გარკვეული სახის რეგულაციების შემოღებაზე საუბრობდნენ.