"ფოტორეპორტიორების ვერსიაა, რომ ისინი 2011 წლის 26 მაისს გადაღებული ფოტოების გამო გაასამართლეს"

"ფოტორეპორტიორების ვერსიაა, რომ ისინი 2011 წლის 26 მაისს გადაღებული ფოტოების გამო გაასამართლეს" - საქმის პროკურორი

სამართალი - 19:03, 20 Apr, 2017

2848

ფოტორეპორტიორების საქმის პროკურორის თქმით ჯაშუშობის ბრალდებით გასამართლებული ფოტორეპორტიორების ვერსიაა, რომ ისინი 2011 წლის 26 მაისს გადაღებული ფოტოების გამო გაასამართლეს.
”საქმის მასალებიდან გამომდინარე მიზანთან დაკავშირებით გვაქვს ჩვენეული ვერსია, რომელსაც სასამართლოში წარვადგენთ. დაიკითხებიან მოწმეები და კონკრეტული მიზანი გამოიკვეთება სასამართლოში. გამოძიების ეტაპზე დაზარალებულებმა, მათთვის ჯაშუშობის დაბრალების მოტივად, 2011 წლის 26 მაისს გადაღებულ აქციის დარბევის ფოტოები დაასახელეს, რომლებიც მსოფლიოს წამყვან სააგენტოებში გავრცელდა. დაზარალებულების ვერსიაა, რომ ისინი 2011 წლის 26 მაისს გადაღებული ფოტოების გამო გასამართლდნენ”- განაცხადა გაგნიძემ.

მისი თქმით, პროკურატურა გასამართლებულების მიმართ 6 წლის წინ გამოტანილი გამამტყუნებელი განაჩენის გამამართლებელით შეცვლას ითხოვს. პროკურორმა ჟურნალისტებთან ახალ მიმართულებებზეც ისაუბრა, რომელიც საქმეს დაერთო:
”ახალი გამოძიების ფარგლებში, ბრალდების მხარემ გამოკვეთა სამი მიმართულება - ერთი: დროებითი მოთავსების იზოლატორში განხორციელებული ფსიქოლოგიური ზეწოლის ფაქტები, ასევე, სასჯელაღსრულების დაწესებულებაში განხორციელებული ფსიქოლოგიური ზეწოლის ფაქტები და დაცვის ხელყოფის მიზნით განხორციელებული ზეწოლის ფაქტები. ბრალდების მხარემ დაასახელა იმ მოწმეთა ვინაობა, რომელთა სასამართლოზე დაკითხვის შედეგად, დადასტურდება, რომ ფსიქოლოგიური ზეწოლის შედეგად მოხდა აწ უკვე დაზარალებულებისთვის აღიარებითი ჩვენებების ჩამორთმევა”- თქვაპროკურორმა.