პაკელიანი მზად არის პროკურატურას ჩვენება მისცეს - ადვოკატმა დაკავებული მოინახულა

სამართალი - 13:52, 03 Apr, 2017

1903

შოთა პაკელიანი სასჯელაღსრულების მერვე დაწესებულებაში დღეს ადვოკატმა მოინახულა. როგორც „ნიუპოსტს“ გიორგი მახარაძემ განუცხადა, მისი დაცვის ქვეშ მყოფის ჯანმრთელობის მდგომარეობა გაუმჯობესდა.

ადვოკატი საქმის მიმდინარეობის შესახებ ინფორმაციის მიღებმის მიზნით, პროკურატურასაც მიმართავს.

“შოთა პაკელიანი მზადაა პროკურატურის წარმომადგენლებს შეხვდეს და დეტალური ინფორმაცია მიაწოდოს იმ სამართალდამცავებზე, რომელიც მას ფიზიკურად გაუსწორდნენ“- აცხადებს ადვოკატი.

პაკელიანი 23 მარტს სისხლის სამართლის კოდექსის 260-ე მუხლის მე-3 ნაწილის დარღვევის ბრალდებით დააკავეს, რაც ახალი ფსიქოაქტიური ნივთიერების განმეორებით უკანონო დამზადებას, წარმოებას, შეძენა-შენახვა, გადაზიდვას ან გადაგზავნას გულისხმობს.

უფლებამოსილების გადამეტების მუხლით საქმე ქალაქის პროკურატურაში

333-ე მუხლით არის აღძრული, რაც უფლებამოსილების შესაძლო გადამეტებას გულისხმობს. ადვოკატების მტკიცებით, ნარკოტიკულ დანაშაულში ბრალდებულს ისანი-სამგორის პოლიციის მეშვიდე განყოფილების თანამშრომლები, დაკავების შემდეგ სასტიკად გაუსწორდნენ.

შს სამინისტროში კი აცხადებენ, რომ პაკელიანზე ფიზიკურ ზეწოლას ადგილი არ ჰქონია.