,,პაკელიანმა ექიმს განუცხადა, რომ „ბიო“ ჰქონდა გადაყლაპული და დაზიანებები წაქცევის დროს მიიღო“

,,პაკელიანმა ექიმს განუცხადა, რომ „ბიო“ ჰქონდა გადაყლაპული და დაზიანებები წაქცევის დროს მიიღო“ - შსს

სამართალი - 20:58, 31 Mar, 2017

14418

შინაგან სამეთა მინისტრის მოადგილე შალვა ხუციშვილი აცხადებს, რომ თუკი გამოძიებით დადგინდება, რომ 23 მარტს დაკავებული შოთა პაკელიანის მიმართ ადგილი ჰქონდა სამართალდამცავთა მიერ ძალადობას შს სამინისტროს შესაბამისი რეაგირება ექნება.

"თუკი ასეთ შემთხვევას ადგილი ჰქონდა და გამოძიებით ეს დადგინდება, ჩვენ ვიქნებით პირველი, ვინც, ასე ვთქვათ, მიესალმება ისეთი პოლიციელების დასჯას, რომლებიც კანონს არღვევენ"- განაცხადა მინისტრის მოადგილემ.

შოთა პაკელიანის ჯანმრთელობის მდგომარეობის შესახებ საუბრობს ექიმი თემურ ხუციშვილი.

"შუბლის არეში აღენიშნებოდა ერთი ექსკორიაცია და შეწითლებული... ისეთი სხვა არაფერი... განსაკუთრებული დაზიანება, რომელიც რაიმე პირველად დახმარებას საჭიროებდა, ისეთი არაფერი აღენიშნებოდა. შესაძლებელია, რომ იგი დავარდნის შედეგადაც მიეღო"- აღნიშნავს ექიმი.

შოთა პაკელიანის ოჯახის წევრები და ადვოკატები სამართალდამცველებს ნარკოტიკული საშუალების ჩადებასა და სასტიკ ცემაში ადანაშაულებენ .

ადვოკატის გიორგი მახარაძის მტკიცებით, ისანი-სამგორის პოლიციის მეშვიდე განყოფილების თანამშრომლები ახალგაზრდა მამაკაცს დააკავების შემდეგ ფიზიკურად გაუსწორდნენ, რის გამოც, ის 4 დღის განმავლობაში უგონო მდგომარებაში იმყოფებოდა.

დაკავებულის მამა აცხაებს, რომ პაკელიანს სამედიცინო დახმარების მიღების საშუალება რამდენიმე საათი არ მიეცა.

“გადაყლაპული ჰქონდა მაგას ის რაღაც ნივთიერება, ამას თვითონაც აღიარებს. მეორე სასწრაფო რომ მოვიდა იმასაც აუხსნა, რომ მას ჰქონდა რაღაც გადაყლაპული და მიშველეთ თორემ აქ მოვკვდებიო, უხსნიდა სამართალდამცავებსაც. მიუხედავად ამისა მეორე ეკიპაჟი წავიდა და არანაირი რეაგირება არ ყოფილა,“ - განაცხადა შოთა პაკელიანის მამამ თამაზ პაკელიანმა.

პაკელიანის დაკავებაზე განცხადებას ავრცელებს შინაგან საქმეთა სამინისტრო.

შს სამინისტროს ცნობით, მას პირადი ჩხრეკისას ნარკოტიკული საშუალება - ე.წ. ბიო აღმოაჩნდა. პოლიციის განყოფილებაში მიყვანის შემდეგ დაკავებული შეუძლოდ გახდა და საჭირო გახდა მისი საავადმყოფოში გადაყვანა.

"საავადმყოფოში შოთა პ.-მ მორიგე ექიმს განუცხადა, რომ მას ე.წ. „ბიო“ ჰქონდა გადაყლაპული. ბრალდებულის სახით დაკითხვისას შოთა პ.-მ განაცხადა, რომ ნარკოტიკული საშუალება იპოვა და როდესაც პოლიციელები მის შეჩერებას ცდილობდნენ, აღნიშნული ნარკოტიკის ნაწილი მიმალვის მცდელობის დროს გადაყლაპა, რის გამოც შემდგომში შეუძლოდ გახდა. რაც შეეხება სხეულზე არსებულ დაზიანებებს, ბრალდებულის განმარტებით, მან ეს დაზიანებები მიმალვის დროს, წაქცევის შედეგად მიიღო. იგი აცხადებს, რომ პოლიციის მიმართ პრეტენზია არ გააჩნია"- აცხზადებენ მღებრიშვილის უწყებაში.