ე.წ. კანიბალიზმის საქმე - სასამართლოში 76 წლის ლუბა ყოჩიაშვილის განზრახ მკვლელობის საქმის განხილვა გრძელდება. ბექა შენგელიას ადვოკატის განცხადებით, მისი დაცვისქვეშმყოფი შეურაცხადია და ფსიქიკური ჯანმრთელობის მდგომარეობა მძიმეა.

ლალი ბიჭოშვილი აცხადებს, რომ შენგელია დაკავების დღიდან ფსიქიატრიულ განყოფილებაში იმყოფება, ექსპერტიზის ბიურომ კი მისი ჯანმრთელობის მდგომარეობის შესახებ არასრულყოფილი დასკვნა დადო.

მოწმის დაკითხვის შემდეგ იმ აუდიო-ვიდეო მასალებსაც გამოიკვლევენ, რომლებზეც დამნაშავეების გადაადგილებაა დაფიქსირებული. სხდომას ორივე ბრალდებული, ბექა შენგელია და ირმა ყოჩიაშვილი ესწრება, თუმცა, პროცესი დახურულია.

„ბექა არის შეურაცხადი, სასამართლო საგამოძიებო ექსპერტიზა ჩატარდა სამხარაულში, გამომძიებლის მიერ იქნა გამოთხოვილი ეს ექსპერტიზა, სადაც პირდაპირ არის მითითებული, F 21, ასეთი დაავადებაა მისი, ეს არის შიზოფრენია. სამხარაულის ექსპერტიზამ დადო ისეთი დასკვნა, სადაც არ არის ის მტკიცებულება, რომლითაც ბექა შენგელია ვერ ივლის სასამართლო პროცესზე. ალტერნატიული ექსპერტიზის ჩატარებას ვაპირებთ და დაწყბეული გვაქვს“, - აცხადებს ადვოკატი.