ე,წ, ციანიდის საქემზე ბრალდებული დეკანოზი გიორგი მამალაძე ადვოკატმა გიორგი ფანცულაიამ მოინახულა. ბრალდებულის უფლებადამცველი ჩვენების გასაჯაროებას მოითხოვს. ფანცულაიას განცხადებით ბრალდების მხარემ აუდიო და ვიდეო მასალა სრულად უნდა გამოაქვეყნოს. სწორედ ამის შემდეგ გახდება ცნობილი რა კონტექსტში საუბრობდა ბრალდებული შორენა თეთრუაშვილზე. ფანცულაიამ კიდევ ერთხელ დაადასტურა, რომ დეკანოზის დაკითხვა ორშაბათს დილის 10:00 საათიდან გაგრძელდება.

„სავარაუდოდ პროკურატურისგან უნდა იყოს კითხვები, რაც მამა გიორგი მამალაძეს პოზიცია აქვს, რატომ დაუპირისპირდა მას სისტემა, ატომ მოხდა მის წინააღმდეგ ეს ყოველივე, ამასთან დაკავშრებით უნდა იყოს კითხვები, ვინაიდან, როცა მათი ბოლო შეხვედრა იყო, დაკითხვის დროს, ეს თემები წამოიწია და დეკანოზმა განაცხადა, რომ იგი გამოძიებას გასცემს მსგავს კითხვებზე პასუხს“, - განაცხადა გიორგი ფანცულაიამ.

ბრალდებული დეკანოზი ადვოკატმა მიხეილ რამიშვილმაც მოინახულა:

„მარილზე გაშვება და თან ამ კითხვას სვავს ირაკლი მამალაძე, არ ნიშნავს იმას, ადამიანი მარილზე თუ მიდის ესე იგი ის იღუპება, უნდა იყოს ზუსტად დადასტურებული, რომ ეს დანაშაულებრივი ქმედება ხორციელდებოდა და იყო დაგეგმილი გარკვეული ოპერაცია, როგორ უნდა მომხდარიყო აღნიშნული დანაშაული და როგორ უნდა განეხორციელებინა“, - განაცხადა მიხეილ რამიშვილმა.