"მთელი სამუშაო საათები გვექნება იმისთვის, რომ მამა გიორგიმ კითხვებს ამომწურავად უპასუხოს"- ფანცულაია

სამართალი - 16:01, 10 Mar, 2017

3093

მკვლელობის მომზადებაში ბრალდბეული დეკანოზის ადვოკატები სასჯელაღსრულების დაწესებულებაში მამა გიორგი მამალაძესთან იმყოფებიან. ადვოკატები თავის დაცვის ქვეშ მყოფთან ორშაბათს დაგეგმილი დაკითხვის დეტალებს გაივლიან. ადვოკატ გიორგი ფანცულაიას თქმით დაკითხვისთვის ოპტიმალური დროა შერჩეული:

„მოსახერხებელი დრო შეირჩა ორშაბათი, დილის 10 საათზე დაიწყება დაკითხვა რაც იმას ნიშნავს, რომ მთელი დღის სამუშაო საათები გვექნება იმისთვის, რომ მამა გიორგიმ კითხვებს უპასუხოს რაც შესაძლებელია ამომწურავად და გაეცეს იმ კითხვებს პასუხი, რომელთაც პროკურატურა დამატებით კითხვებად თვლის.“- განაცხადა გიორგი ფანცულაიამ რ2-თან საუბარში.

ჟურნალისტის კითხვაზე გულისხმობდა თუ არა დეკანოზი მამალაძე იმ ადამიანში , რომელიც შაქარს არ ჭამს და რომელთან მიმართებაშიც ციანიდის გამოყენება უნდა მომხდარიყო, შორენა თეთრუაშვილს, ადვოკატმა გაანცხადა, რომ ამ კითხვაზე პასუხის გაცემის უფლება არ აქვს, რადგან ეს საქმის შინაარსობრივ მხარეს წარმოადგენს და მას გაუთქმელობის ხელწერილი აქვს:

„მე ვერ გიპასუხებთ იგულისხმა თუ არა შორენა თეთრუაშვილი იმ ადამიანში, რომელიც ტკბილს არ ჭამს.“- განაცხადა ფანცულაიამ.