მამა გიორგის საუბარში ნივთიერების გადაცემაც, ფულის გამოგზავნაც და სხვა ძალიან ბევრი რამ ფიქსირდება

მამა გიორგის საუბარში ნივთიერების გადაცემაც, ფულის გამოგზავნაც და სხვა ძალიან ბევრი რამ ფიქსირდება - ირაკლი მამალაძე

სამართალი - 17:44, 08 Mar, 2017

17342

“ციანიდის საქმის“ მთავარი მოწმის ირაკლი მამალაძის განცხადებით მკვლელობის მომზადებისთვის ბრალდებული დეკანოზი მარტო არ მოქმედებდა და მას თანამზრახველებიც ჰყავდა. ასევე ირაკლი მამალაძის თქმით იმ ადამიანების ჩამონათვალი, რომელთა მკვლელობაც მზადდებოდა მხოლოდ შორენა თეთრუაშვილით არ შემოიფარგლება:

"მე მაინც ვრჩები იმ აზრზე, რომ მაღალი სასულიერო იერარქიის მქონე პირის წინააღმდეგ მზადდებოდა ეს. რაც გამოკვეთა გამოძიებამ, ეს გასაგებია. მე გამოძიების დაწყებაში მაქვს ასე მითითებული. სხვა მიმართულებითაც მიდის გამოძიება. მე არ ვფიქრობ და არ ვჩერდები მხოლოდ შორენა თეთრუაშვილზე. მამა გიორგის საუბარში ფიქსირდება გადაცემაც ამ ნივთიერების, ფულის გამოგზავნაც და სხვა ძალიან ბევრი რამ. ეს უნდა გამოავლინოს გამოძიებამ. მე პირადად შემიძლია გითხრათ მხოლოდ ის რომ ნაცვალსახელი, რომლითაც ის მესაუბრებოდა (ჩვენ), მე ძალიან კარგად ვიცოდი, ვისზეც მესაუბრებოდა, ამ ეტაპზე სხვა ვერაფერს ვერ გეტყვით“- განაცხადა ირაკლი მამალაზემ „საზმაუსთან“ სატელეფონო საუბარში, მისი თქმით მიუხედავად იმისა, რომ ამ პროცესების და დანაშაულის აღკვეთის შედეგად შესაძლოა დაზარალდა საპატრიარქოც, სახლმწიფოც და თავად ისიც, ეს ყველაფერი თუნდაც ერთი ადამიანის სიცოცხლის გადასარჩენად ღირდა.