საქართველოს მთავარ პროკურატურაში 15:00 საათზე დეკანოზ გიორგი მამალაძის ადვოკატები მივლენ. ე.წ. ციანიდის საქმეზე საგამოძიებო უწყებაში საგამოძიებო მოქმედებების ჩატარებაა დაგეგმილი. ბრალდებული დეკანოზის ადვოკატები საპროცესო საგამოძიებო მოქმედებების ჩატარებას დაესწრებიან.

„ეგ საკითხი პრაქტიკულად გადაწყვეტის პირასაა მისული. აქედან გამომდინარე, მე არც იმას გამოვრიცხავ, რომ მათ შორის, უკვე დღეს ოფიციალურად გადაწყდეს და შევიდეს ეს გადაწყვეტილება ძალაში, ვინაიდან, როგორც მისი ოჯახის წევრები მეუბნებიან პროკურატურასთან მათ აქვთ კომუნიკაცია და ეს საკითხი დაიძრა, რასაც ჩვენ ძალიან მივესალმებით,“ - განაცხადა გიორგი ფანცულაიამ.