ევროსასამართლოს მიერ მიღებული გადაწყვეტილების თანახმად, საქართველოს უზენაესი სასამართლოს დიდი პალატის გადაწყვეტიელბის აღსრულება რუსთავი 2-ის ქიბარ ხალვაშისთვის მიკუთვნებასთან დაკავშირევით, 8 მარტამდე შეჩერდა.

როგორც „ნიუპოსტს“ ქიბარ ხალვაშის ადვოკატმა პაატა სალიამ განუცხადა, სტრასბურგის სასამართლომ საქმის არსში გარკვევის მიზნით შეაჩერა რამდენიმე დღით უზენაესის აღსრულება:

"ეს იმას ითვალისწინებს რომ 8 მარტამდე შეჩერდა უზენაესი სასამართლოს გადაწყვეტილება იმისათვის, რომ სტრასბურგის სასმართლო გაერკვეს საქმის არსში, რათა შემდეგ მიიღოს გადაწყვეტილება, არის თუ არა სრულად შესაჩერებელი უზენაესი სასამართლოს მიერ მიღებული გადაწყვეტილება. ჩვენი შემდგომი ნაბიჯი ჯერჯერობით არაფერი იქნება, უნდა დაველოდოთ 8 მარტს" - განაცხადა პაატა სალიამ.