,,ოქმებზე ერთი და იგივე პროკურორის სხვადასხვა ხელმოწერაა" - დეკანოზის ადვოკატის სკანდალური განცხადება

სამართალი - 17:59, 02 Mar, 2017

3244

„ციანიდის საქმეში“ ბრალდებული მამა გიორგი მამალაძის ადვოკატი საქმის მტკიცებულებებში არსებულ უზუსტობებზე საუბრობს. მიხეილ რამიშვილის თქმით პროკურატურის მიერ გადმოცემულ მტკიცებულებებში 2 სხვადასხვა ოქმზე ერთი და იგივე პროკურორის ხელმოწერა ერთმანეთს არ ემთხვევა. დაცვის მხარე შუამდგომლობის დაყენებას გეგმავს, რომ დოკუმენტი დაუშვებელ მტკიცებულებად ჩაითვალოს. მიხეილ რამიშვილის თქმით, თუ ოქმს მტკიცებულებად ცნობენ, ის კალიგრაფიულ ექსპერტიზას მოითხოვს.

„გარკვეულ საპროცესო დოკუმენტებზე ერთი და იგივე გვარის პროკურორის სხვადასხვა ხელმოწერა იყო“- განაცხადა მიხეილ რამიშვილმა.

რამიშვილის თქმით ადვოკატებისა და დაკავებული დეკანოზის საუბრის შედეგად ისეთი პასუხები იქნა მიღებული, გარკვეულ კითხვებზე პასუხის გაცემა თავად პროკურატურას მოუწევს:

„ციანიდთან დაკავშირებით ისეთ პასუხებს ვღებულობთ, რომ უკვე თვით პროკურატურასაც მოუწევს კითხვებზე პასუხის გაცემა.“- განაცხადა რამიშვილმა.

ადვოკატის მოსაზრებით თუ პროკურატურა კარგად და სამართლიანად შეისწავლის ამ საქმეს შესაძლოა, საქმე საერთოდ შეწყვიტოს:

„პროკურატურას შეუძლია კარგად შეისწავლოს კიდევ ერთხელ ეს საქმე და იქნება მიიღოს გადაწყვეტილება და საქმე შეწყვიტოს, მე საკმაოდ ბევრ და სერიოზულ ინფორმაციას ვფლობ“- აღნიშნა ადვოკატმა.