"მაგათი გონივრული ვადა გონებიდან გამომდინარე რამდენ ხანს გაგრძელდება..."- რამიშვილი პროკურატურას აკრიტიკებს

სამართალი - 15:00, 02 Mar, 2017

2417

მკვლელობის მომზადებისთვის ბრალდებული დეკანოზის ადვოკატის თქმით მამა გიორგი ჩვენების მიცემას მხოლოდ მას შემდეგ აპირებს რაც მისი ოჯახის დაცვა იქნება უზრუნველყოფილი. მიხეილ რამიშვილის თქმით პროკურატურისგან არაა პასუხი არც ამ საკითხზე და არც იმაზე თუ როდის გაუუქმებენ გაუთქმელობის ხელწერილს მამა გიორგი მამალაძის 2 ადვოკატს:

„მერამდენე დღეა ხელწერილი გაუთქმელობის გაუქმების თაობაზე შეტანილი აქვთ ადვოკატებს მაგრამ პასუხი არაა. პასუხი არაა, არც ჩვენ მოთხოვნაზე, რომ განხორციელებულიყო მამა გიორგი მამალაძის ოჯახის დაცვის ღონისძიება.

მამა გიორგიმ განაცხადა, რომ თუ არ იქნებოდა დაცვის ღონისძიება განხორციელებული ჩვენებას აღარ მიცემს. ამის შესახებ მან განცხადებაც დაწერა და შედგენილია ოქმი. პროკურატურამ თქვა, რომ გონივრულ ვადაში გადაწყვეტს. მაგათი გონივრული ვადა გონებიდან გამომდინარე რამდენ ხანს გაგრძელდება ვერ გეტყვით.

ჩვენების მიცემის დროის შესახებ ჩვენთვის ცნობილი იქნება მას შემდეგ, რაც მათი გონივრული ვადა დადგება და პასუხს გაგვცემენ აპირებენ თუ არა მამა გიორგის ოჯახის დაცვის უზრუნველყოფას, ამის შემდეგ გამოჩნდება როდის რა იქნება.“- განაცხადა მიხეილ რამიშვილმა.