ქიბარ ხალვაშის ადვოკატი პაატა სალია დღეს რუსთავი 2-ის სამქესთან დაკავშრებით გადაწყვეტილების მიღებას არ ელოდება უზენაესი სასამართლოს დიდი პალატის მიერ. პაატა სალია მიზეზად მოსამართლეების აცილებასთან დაკავშირებით ორივე მხარის მიერ წარდგენილ შუამდგომლობებს ასახელებს.

„მოლოდინი იმისა, რომ ერთ დღეში გამოიტანს სასამართლო გადაწყვეტილებას არ გვაქვს. ვფიქრობთ, რომ ჯერ სასამართლომ უნდა დაიწყოს მსჯელობა აცილების შესახებ შუამდგომლობებზე. ჩვენმა მხარემ დააყენა იმ მოსამართლეების აცილება, ვისზეც ვფიქრობთ, რომ გარკვეულწილად მიკერძოებულნი არიან.

რაც შეეხება კონკრეტულად იმ ორ მოსამართლეს, რომელზეც საუბრობს ჩვენი მოწინააღმდეგე მხარე, იკვეთებოდა გარკვეული მონაწილეობა. ერთ-ერთ მონაწილეობა, რომ ის იყო ქართუ ჯგუფის იურისტი, თუმცა ქართუ ჯგუფის იურისტი რა კავშირშია ქიბარ ხალვაშის წარდგენილ სარჩელთან კიდევ ცალკე საგანია და მე ვფიქრობ პირდაპირი კავშირი ამას საქმესთან არ აქვს,“-განაცხადა პაატა სალიამ.