სტრასბურგის სასამართლოში საქართველოდან წარსადგენი მოსამართლის კანდიდატურების შესარჩევად გამოცხადებულ ახალ კონკურსში მიიღებს თუ არა მონაწილეობას ევა გოცირიძეს ჯერ არ გადაუწყვეტავს. მისი თქმით, აღნიშნულ გადაწყვეტილებას იგი კრიტერიუმების გაცნობიშ შემდეგ მიიღებს:

„ვერ ვიტყოდი, რომ ეს სწორი დეფინიციაა, რომ ჩემი კანდიდატურა დაიწუნეს, იმდენად, რამდენადაც ფორმულირება, დასაბუთება, რაც გამოქვეყნდა არის ძალიან ბუნდოვანი, იქ არ წერია, რომ ყველა კანდიდატი იყო არაკვალიფიციური, იქ იყო ნათქვამი, რომ ყველა კანდიდატი არ არის მაღალკვალიფიციური, უფრო მეტი დაზუსტება და განმარტება არც კომიტეტს გაუკეთებია და არც არავინ არ იცის. ჩემი პრეტენზიები მაქვს არასამთავრობო სექტორის მიმართ, რომლებმაც მეტისმეტად უსამართლო შეფასება განახორციელეს ჩემს მიმართ. წერილი გავუგზავნე ევროპული კომიტეტის თავმჯდომარეს, სადაც გამოვთქვი ჩემი პრეტენზიები იმ პროცედურებთან დაკავშირებით, რომელიც საკუთრივ ევროსაბჭოში ჩატარდა და იქიდან მე მივიღე ესეთი წერილი, სადაც ბევრი ჩემი სამდურავი იქნა გაზიარებული და ბოდიშიც კი მომიხადეს,“- განაცხადა ევა გოცირიძემ.