"ჩვენი სიმართლე განსხვავებულია ბრალდების მხარისაგან, ვითხოვთ პასუხის გაცემის საშუალებას"- დეკანოზის ადვოკატი

სამართალი - 16:51, 14 Feb, 2017

2987

დაკავებული გიორგი მამალაძის ადვოკატმა მთავარ პროკურატურას წერილით მიმართა. ინტრესების დამცველი ინფორმაციის შინაარსობრივი მხარის გასაჯაროებაზე უფლების მოპოვებას ითხოვს. ადვოკატის თქმით დაცვის მხარისგან განსხვავებით პროკურატურამ საქმის შინაარსის შემცველი განცხადება გააკეთა, ამით კი ბრალდების და დაცვის მხარეები არათანაბარ პოზიციაში აღმოჩნდნენ.

„ვითხოვთ გაუთქმელობის ვალდებულების მოხსნას, ყველაზე მინიმუმ, რა საკითხსაც თვითონ წამოჭრიან, იმაზე _{პასუხის გაცემის საშუალებას}. ჩვენ გვაქვს იმის საშუალება, რომ ჩვენ ჩვენი სიმართლე, რომელიც განსხვავებულია ბრალდების მხარისაგან სასამართლოში დავადასტუროთ“- განაცხადა ადვოკატმა.

უფლებადამცველი მამა გიორგი მამალაძის სახელით პატრიარქისთვის შესაძლო გაგზავნილ წერილზეც საუბრობს. ფანცულაია ადასტურებს, რომ მსგავსი შინაარსის რამდენიმე წერილით 2015 წლის დეკემბრიდან რამდენჯერმე მიმართა როგორც პატრიარქს, ისე წმინდა სინოდს.

„სიტყვა ავთენტურს ვერ დავადასტურებ, მარტივი მიზეზის გამო რომ კონკრეტულად ეს წერილი მამა გიორგის არ წაუკითხავს. მამა გიორგი ადასტურებს, რომ მსგავსი შინაარსის წერილი მან რამდენიმეჯერ მიწერა წმინდა სინოდს 2015 წლის დეკემბრიდან’- განაცხადა გიორგი ფანცულაიამ.