დეკანოზ გიორგი მამალაძეს სასჯელაღსრულების მე-6 დაწესებულებაში პროკურატურის გამომძიებლები დაკითხავენ.

მამა გიორგი მამალაძე, რუსთავში მაღალი რისკის მქონე პატიმრებისთვის განკუთვნილ დაწესებულებაში იმყოფება.

სასჯელაღსრულების დაწესებულებაში უკვე იმყოფებიან უფლებადამცველები. დაკავებულს ადამიანის უფლებათა ცენტრის ადვოკატი ხვდება.

„ჩვენ გვინდა, გავარკვიოთ, რამდენად არის დაცული მამა გიორგი მამალაძის უფლებები, რომელიც გადმოყვანილია მე-6 დაწესებულებაში. აღნიშნული დაწესებულება არის მაღალი რისკის მქონე პატიმრების განსათავსებელი ადგილი. პირდაპირ ვერ გეტყვით, რომ რაიმე კუთხით ირღვევა მისის უფლებები. თუმცა ის, რომ ამდენი ხნის განმავლობაში დაცვის მხარის მიერ არ გავრცელებულა არანაირი ინფორმაცია ამ ადამიანის დაცვის შესახებ, თუ რა არგუმენტები აქვს საკუთარი თავის დასაცავად. ის ბრალს არ აღიარებს. აქედან გამომდინარე ჩვენ, რა თქმა უნდა, ვალდებული ვართ, გავარკვიოთ ამ ადამიანისგან, ხომ არ აქვს ადგილი მისი უფლებების დარღვევას," - აცხადებს ადამიანის უფლებათა დაცვის ცენტრის იურისტი, ეკა ლომიძე.

მამა გიორგი მამალაძე ამ დრომდე დუმილის უფლებით სარგებლობს.

დეკანოზი მაღალი იერარქიის სასულიერო პირის მკვლელობის მომზადების ბრალდებით, თბილისის საერთაშორისო აეროპორტში დააკავეს.