ჩემი და ბექა შენგელიას სექსუალურ აქტს რამდენჯერმე დასწრებია ნ. ჩ. - ახალი დეტალები თბილისში მომხდარი სასტიკ მკვლელობაში

სამართალი - 17:00, 30 Jan, 2017

126613

76 წლის დედის მკვლელობაში ბრალდებულ ირმა ყოჩიაშვილი გამოძიებისთვის მიცემულ ჩვენებაში წერს, რომ ბრალდებული ბექა შენგელია მასთან და მათ არასრულწლოვან მეგობართან სექსუალურ კავშირს ხშირად ამყარებდა.
„ბექა შენგელიასა და არასრულწლოვან ნ.ჩ-ს ერთმანეთში ხშირად ჰქონდათ სქესობრივი კავშირი და დავსწრებივარ. ანალოგიურად, ჩემი და ბექა შენგელიას სექსუალურ აქტს რამდენჯერმე დასწრებია ნ. ჩ“, – ამბობს ჩვენებაში ირმა ყოჩიაშვილი, რომლიც ჩვენებაც გაზეთმა „პრაიმტაიმმა“ მოიპოვა.
„აქვე მინდა აღვნიშნო, რომ ბექა შენგელიასა და ნ.ჩ.-ს ერთმანეთში ხშირად ჰქონდათ სქესობრივი კავშირი. ყოფილა შემთხვევა, როცა მე, ბექა და ნ.ჩ. ერთად დავრჩენილვართ ღამე ბინაში, რა დროსაც ბექასა და ნ.-ს ჰქონიათ სექსი, დავსწრებივარ, თუმცა მე მონაწილეობა არ მიმიღია. ანალოგიურად, ჩემი და ბექა შენგელიას სექსუალურ აქტს რამდენჯერმე დასწრებია ნ.ჩ.“ – ვკითხულობთ ირმა ყოჩიაშვილის ჩვენებაში.
ჩნდება კითხვა რატომ არ წარედგინა დამატებითი ბრალი ბექა შენგელიას არასრულწლოვანთან სქესობრივი კავშირის დამყარებისთვის, რაც ასევე სისხლის სამართლის დანაშაულია. თუმცა საგამოძიებო უწყებაში "პრაიმტაიმს" უთხრეს, რომ „ბექა შენგელიასა და არასრულწლოვან ნ.ჩ.-ს შორის სქესობრივი კავშირი არ დასტურდება“.
„პრაიმტაიმისთვის“ ცნობილი გახდა, რომ შენგელია და მისი მეგობრები კოჯორში ერთ-ერთ მიტოვებულ სახლში საკმაოდ ხშირად იკრიბებოდნენ. სავარაუდოდ, სწორედ ამ ადგილზე მიანიშნებს ირმა ყოჩიაშვილიც გამოძიებისთვის მიცემულ ჩვენებაში.
„ბექა შენგელია არის გოთიკის მიმდევარი და მეც გამაჩნია გარკვეული სიმპატიები აღნიშნული მიმდინარეობის მიმართ. კერძოდ, მიზიდავს დეპრესიული და სამყაროსადმი ჩაღრმავებული თემატიკა. ბექა შენგელია დადიოდა გოთების შეკრებებზე, თუმცა მე არასდროს წავუყვანივარ. ბექა შენგელიასთან ერთად ნამყოფი ვარ როკ-ჯგუფების კონცერტებზე, ასევე, ვაკის პარკთან მდებარე ბარში, სადაც იკრიბებიან ჩვენი აზროვნების მიმდევრები….

ვსაუბრობდით მუსიკაზე, როკსა და სულიერ სამყაროზე… მე და ბექას გვქონდა სქესობრივი კავშირი, ვუსმენდით როკს და ვაგრძელებდით მეგობრულ ურთიერთობას. სახლში მივდიოდი ძალიან იშვიათად და ჩემს მშობლებთან ურთიერთობა თითქმის არ მქონია. ბექასთან მქონდა ყოველდღიური კავშირი. დაახლოებით სამი თვის წინ, ზუსტი დრო არ მახსოვს, სავარაუდოდ, აგვისტოს ბოლოს ბექა შენგელიამ იქირავა ბინა ოპერის მიმდებარედ, რის შემდეგაც ძირითადად ვრჩებოდი ზემოაღნიშნულ მისამართზე. მალევე ბექა შენგელიამ გამაცნო ნ.ჩ.

ბავშვობიდან ვწერ ჩანახატებს, სიყვარულზე, სიძულვილზე და სხვა ცხოვრებისეულ თემებზე. ანალოგიურად წერს ბექა შენგელიაც. ჩვენი აზრები ძირითადად ემთხვევა ერთმანეთს“.
ადგილი, სადაც, ირმა ყოჩიაშვილის თქმით, გოთები იკრიბებოდნენ, ჩვენი ინფორმაციით, სწორედ კოჯორში მდებარე ერთ-ერთი მიტოვებული სახლია. არსებული ლეგენდის გამო, ეს სახლი მისტიკის მოყვარულთა თავშესაფრადაც კი იქცა. შეთქმულების თეორიის მიმდევრები ამბობენ, რომ წლების წინათ იქ ოჯახის ყველა წევრი გაურკვეველ ვითარებაში გარდაიცვალა. ზოგი უფრო შორს მიდის და ირწმუნება, რომ სახლი იუნკერების გვამებზე ააშენეს და იქ ამჟამადაც სულები ბინადრობენ. მიტოვებულ სახლს ბევრი მითი უკავშირდება და რეალობასთან ახლოს თითქმის არც ერთი მათგანი არ არის, თუმცა ამ სახლისთვის თვალის ერთი გადავლებითაც კარგად ჩანს, რომ მას მართლაც ხშირად სტუმრობენ გოთური სუბკულტურის წარმომადგენლები და არა მარტო ისინი… ამაზე მოწმობს კედლებზე გაკეთებული წარწერები და ირგვლივ დაყრილი საყოფაცხოვრებო ნივთები. სულების რა მოგახსენოთ და სახლს აშკარად ვანდალიზმის კვალი ეტყობა. ადგილობრივებისთვის უცნობია, ვინ არის სახლის ოფიციალური მესაკუთრე. წლებია, იქ მეპატრონე არ გამოჩენილა.
„ათი მცნების“ ანტიპოდის შექმნის პროცესში ამ ადგილს ბექა შენგელიასთვის განსაკუთრებული მნიშვნელობა უნდა ჰქონოდა, მით უფრო, რომ სახლს ემიჯნება ღვთისმშობლის მიძინების მონასტერი. მისი აზრით კი, „ყველაფერი მაქსიმალურად უნდა ყოფილიყო რელიგიურ დოგმატებთან დაკავშირებული“- წერს ბრალდებული.