საქართველოს პირველი ლედი, მაკა ჩიჩუა მისი ძმის შესახებ პირველ კომენტარს აკეთებს. ჟურნალისტებთან საუბრისას მაკა ჩიჩუამ განაცხადა, რომ მისი ძმა კრიმინალი არ არის და იგი სამართლიანობას ენდობა:

”ვიცი, რომ ჩემი ძმა დილიდან საღამომდე ზის და ხატავს. არის მხატვარი და ძალიან უყვარს თავისი საქმე. მე დიდი იმედი მაქვს, რომ ყველაფერს თავისი სახელი დაერქმევა და ყველა მიხვდება, რომ ეს ადამიანი კრიმინალი არ არის. მე ვენდობი სამართლიანობას”, - განაცხადა მაკა ჩიჩუამ.

შეგახსენებთ, რომ მაკა ჩიჩუას ძმა რამდენიმე დღის წინ სამართალდამცავებმა დააკავეს. მიხეილ მგალობლიშვილს სისხლის სამართლის კოდექსის 236-ე მუხლის მე-2 და მე-3 ნაწილებით გათვალისწინებულ დანაშაულში ედება ბრალი, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.