დავით ლორთქიფანიძის პიჯაკის საქმეზე ბრალდებულებმა ქუთაისის საქალაქო პროკურატურისგან შეთავაზება მიიღეს - ბრალის აღიარება 2 წლიანი პირობითი სასჯელის სანაცვლოდ. ნიკა ნარსია, კახა გაბუნია და მირიან დეისაძე აცხადებენ, რომ მათ ამ შეთავაზებაზე უარი განაცხადეს.

„გვითხრეს რომ უნდა აღიაროთ დანაშაული და გაგიფორმებთ ორ წლიან პირობითს და იქნებით გარეთ, მაგრამ ჩვენგან მიიღეს მტკიცე უარი, რადგან ჩვენ რაღაც უნდა მოგვეგონებინა, რომ ლორთქიფანიძეს თავს დავესხით და ზღაპრები უნდა მოგვეგონებინა. ჩვენ ვიბრძვით უბრალო ხალხისთვის და დავამარცხებთ ივანიშვილის რეჟიმს,“-განაცხადა ნიკა ნარსიამ.