ზურაბ ჯამალაშვილის ადვოკატის, გიორგი ფოფხაძის განცხადებით ყველა ის დარღვევა, რომელიც ჯამალაშვილს ეხებოდა, შეგროვდება და ევროსასამართლოში გაიგზავნება. ზურაბ ჯამალაშვილი ე.წ. ფარული ჩანაწერების საქმეზეა ბრალდებული:

”ზურაბ ჯამალაშვილის დღევანდელი გამოსვლა იმის დასაწყისია, რომ ჩვენ ცოტა ხანში ვიხილავთ გამამართლებელ განაჩენს მის მიმართ. უბრალოდ სავალალო იქნება თვითონ ქვეყნისთვის, ვინაიდან ჩვენ ამ ცხრათვიან პატიმრობას ასე არ დავტოვებთ. აუცილებლად მივმართავთ ევროსასამართლოს და სარჩელში აღბეჭდილი იქნება ყველა ის დარღვევა, რაშიც უკანონოდ დასდეს ბრალი ზურაბ ჯამალაშვილს”, - განუცხადა ფოფხაძემ ჟურნალისტებს სასამართლო სხდომის დასრულების შემდეგ.