ებრაელი ბიზნესმენის სახლში ამ წუთებში პოლიცია ჩხრეკას აწარმოებს

სამართალი - 20:34, 07 Dec, 2016

19788

ოზურგეთის მუნიციპალიტეტის დაბა ლაითურში მცხოვრები, ებრაელი ბიზნესმენის, იგორ ასკაროვის სახლში ამ წუთებში ფინანსური პოლიცია იმყოფება.
როგორც "გურიის მოამბეს" აცნობეს, ჩხრეკა მის საცხოვრებელ სახლსა და მეურნეობაში მიმდინარეობს.
ფინანსური პოლიცია ასკაროვის სახლში დაახლოებით 20 წუთის წინ შევიდა.
ასკაროვი 'გურიის მოამბესთან" აცხადებს, რომ მისთვის პოლიციის გამოჩენა მოულოდნელი იყო და არ ფლობს ინფორმაციას თუ რის საფუძველზე დაიწყეს ჩხრეკა.
ადგილზე მყოფი ფინანსური პოლიციის წარმოამდგენლები კომენტარს არ აკეთებენ.
ადგილზე იმყოფება ასკაროვის ადვოკატი, კახა ჩავლეშვილი, რომელიც 'გურიის მოამბესთან" კომენტარს აკეთებს: "როგორც მითხრეს, ჩხრეკა გადაუდებელი აუცილებლობიდან გამომდინარე ტარდება. საქმის გამოძიება მე- 200-ე მუხლით მიმდინარეობს. ებრაელ ბიზნესმენს უაქციზო საქონელის შენახვას ედავებიან"-გვითხრა ჩავლეშვილმა.
იგორ ასკაროვი დაბა ლაითურში ხუთი წელია ცხოვრობს. ის ფლობს 50 ჰა-მდე მიწის ფართობს. აქვს მეურნეობა.
ბიზნესმენი ბოლო წლბში პოლიციის მხრიდან შევიწროებაზე, თვალთვალსა და დევნაზე ხშირად საუბრობდა. მან რამდენიმე დღის წინ პრემიერ მინისტრს ღია წერილითაც მიმართა, რომლთაც ის ხელისუფლებას ყურადღების მიქცევას სთხოვდა.

"ოფიციალურად ბრალის წაყენებამდე დაბრალების მცდელობები აქ საკმაოდ ხშირი მოვლენაა, მე უკვე არაერთხელ დამადანაშაულეს თაღლითობაში, ქურდობაში, როცა ვერ ახერხებდნენ ჩემს მოტყუებასა ან გაძარცვას. პოლიციის მუშაკებმა ნარკოტიკებით ვაჭრობაში დამადანაშაულეს, რათა დავეშინებინე და მსვლელობა არ მიეცათ ჩემს წინააღმდეგ ორგანიზებულ ებრაელთა დარბევის საქმისთვის და ა.შ.

დიახ, „ამხანაგო მაიორო“, თქვენს „ჭკვიანებს“ გარემოს დაცვიდან აუხსენით, რომ პისტოლეტი ხმალი არ არის და შეტევის დროს თავს ზემოთ არ აქნევენ, ის (პისტოლეტს), როგორც წესი, მიმართული უნდა იყოს წინ, თან, სასურველია, გეკავოს ორივე ხელით. ხომ შეეძლოთ, პატარა ბავშვებივით ერთმანეთი დაეხოცათ, „ამხანაგო მაიორო“?! აუხსენით, რომ ისრაელში სამჯერ არ ხვრეტენ, ჩვენთან საერთოდ არ ხვრეტენ, გარწმუნებთ! ნუთუ არ არსებობს არავინ, ვინც აუხსნიდა თქვენს მოსამართლეს, რომ სასამართლო მართლმსაჯულების ტაძარია, სადაც უტიფრებმაც კი უნდა დაიცვან პატიოსნების ელემენტარული წესები მაინც, ხოლო ისრაელი, თურქეთი ან არაბთა საემიროები სხვადასხვა ქვეყანაა, რომლებიც ერთმანეთთან ახლოც არ არიან, და ამ ქვეყნებში აბსოლუტურად სხვადასხვა ენებია (ეს თარჯიმნისთვის), და სულაც არ იყო საჭირო ჩემთვის ყვირილი. მე მაშინვე მშვენივრად მივხვდი, რას წარმოადგენდა ის"-ნათქვამი იყო ღია წერილში.