არასამთავრობო ორგანიზაცია „ინფორმაციის თავისუფლების განვითარების ინსტიტუტმა“ საკონსტიტუციო სასამართლოში სარჩელი შეიტანა, რომელიც სასამართლოებიდან საჯარო ინფორმაციის გამოთხოვაზე უარის თქმის არაკონსტიტუციურად ცნობას ითხოვს. მათი განცხადებით, ბოლო პერიოდში არასამთავრობო ორგანიზაციებმა სასამართლოებს ინფორმაციის მისაღებად არა ერთხელ მიმართეს, თუმცა სხვადასხვა მიზეზით მათ უარი მიიღეს.მათი შეფასებით აღნიშნული ფაქტი არღვევს ადამიანის უფლებათა კონვენციას და საფართხეს უქმნის თავად სასამართლოების მუშაობასაც.

"ჩვენ ვერ მივიღეთ სასამართლოს გადაწყვეტილებები საქართველოს ყოფილი პრეზიდენტის, შსს მინისტრის, სხვა მაღალი თანამდებობის პირების შესახებ. ვერ მივიღეთ მონაცემები კაბელების საქმესთან დაკავშირებით სასამართლოს გადაწყვეტილება, ანუ ის გადაწყვეტილებები, სადაც არის ძალიან მაღალი საჯარო ინტერესი, რაც ჩვენი აზრით, არის სერიოზული პრობლემა," - განაცხადა IDFI-ს გამგეობის თავმჯდომარემ ლევან ავალიშვილმა.