მოსამართლეები ტელეკომპანია „რუსთავი 2“-ის გარეშემო მიმდინარე მოვლენებს აფასებენ. განცხადება გააკეთა უმაღლესი საბჭოს თავმჯდომარემ. ლევან მურუსიძე რაიმე სახის ზეწოლას გამორიცხავს და ბრალდებების ავტორებს წყაროს მიერ მიწოდებული ინფორმაციის გადამოწმებას ურჩევს.

„თავად სამმა მოსამართლემ განაცხადა, რომ მათზე ზეწოლა არ ყოფილა. მე ისიც განვაცხადე, რომ განცხადება იმასთან დაკავშირებით, რომ მიხეილ ჩინჩალაძე რაიმე ზეგავლენას ახდენდა იყო ცილისწამება. სრული დარწმუნებით მინდა გიპასუხოთ, რომ არანაირი ურთიერთობა თვეების განმავლობაში მიხეილ ჩინჩალაძეს არ ჰქონია იმ სამ მოსამართლესთან, რომელიც იხილავდა საქმეს და თუ თქვენ გყავთ თქვენი წყაროები კიდევ ერთხელ იქნებ გადაამოწმოთ და დარწმუნდებით ჩემი სიტყვების სისწორეში. რაც შეეხება ვანო ზარდიაშვილს, ეს ისეთი აბსურდული თემაა, როგორც თქვენ რომ დაგაბრალონ ზეწოლის მოხდენა. ვინაიდან არ იცნობს, არავითარი კონტაქტი არ აქვს, შესაბამისად არ აქვს ის კონტაქტი, ის ძალა, კომპეტენცია გავლენა, რომ რაიმე ზეგავლენა მასზე მოახდინოს,“-განაცხადა მურუსიძემ.