ფარული კადრების საქმეზე სასამართლო პროცესი თბილისის საქალაქო სასამართლოში მიმდინარეობს. აღნიშნული სხდომა დახურულ რეჟიმში ტარდება. დღევანდელ სხდომაზე ბრალდების მოწმეები დაიკითხებიან, მათ შორის იქნებიან ის ჟურნალისტები, რომლებმაც სოციალურ ქსელში ვიდეო კადრების ბმულები მიიღეს.

„ჩემთვის ცოტა გაუგებარია ის მოტივი რა მოტივითაც მე ვარ დაბარებული სასამართლოზე მოწმედ, იმიტომ, რომ ამ კადრების მოპოვებასთან დაკავშრირებით ბრალდების საპასუხოდ მე არანაირი ინფორმაცია არ მაქვს. თუმცა ჩავთვალე ჩემს მოქალაქეობრივ ვალად, რომ რადგან დაბარებული ვიყიავი სასამართლოში მოწმედ, მოვსულიყავი და მეთქვა ის რაც ვიცი უშუალოდ ამ კადრებთან დაკავშირებით. ოღონდ ეს ეს ეხება გავრცელებას და არა მოპოვებას, უკანონო გადაღებას და შენახვას,“-აცხადებს ბერულავა.