სააპელაციო სასამართლოში ე.წ. კაბელების საქმის განხილვა გრძელდება. ბრალდების მხარე შესავალი სიტყვით წარდგება. პროცესზე დასწრებას „თავისუფალი დემოკრატები“ და პარტიის ყოფილი წევრებიც გეგმავენ. ისინი იმედოვნებენ, რომ სასამართლო სამართლიანი იქნება.

„სასამართლო სხდომაზე ბრალდების მხარე შესავალ სიტყვას წარმოადგენს, წარუდგენს სააპელაციო სასამართლოს. სასამართლო პროცესი შემოიფარგლება ამით „კაბელების საქმეზე“ ჩვეუულებრივად გრძელდება საქმის განხილვა“, - აღნიშნა საქმის ადვოკატმა ლევან სამუშიამ.

ნინო გოგუაძის განცხადებით კი ისინი სასამართლოს სამართლებრივ შედეგს ელოდებიან:

„თითქმის ყველა არასამთავრობო დამოუკიდებელი ორგანიზაციის შეფასებით, ეს ბიჭები არიან პოლიტიკური პატიმრები, არ არსებობს არც მოტივი და არც სამართლებრივი საფუძველი მათი ციხეში ყოფნისა, იგივე დასკვნა დაწერა სახალხო დამცველმა, მისი ეს დასკვნა მტკიცებულებად მიიღო სააპელაციო სასამართლომ, ასევე ველოდებით სამართლებრივ შედეგს“, - აცხადებს ნინო გოგუაძე.