8 ოქტომბერს მარნეულის რაიონის სოფელ ყიზილაჯლოში მომხდარი ინციდენტის შედეგად დაკავებული, ნაციონალური მოძრაობის 6 მხარდამჭერისთვის წინასწარი პატიმრობის შეფარდება, ადვოკატებმა სააპელაციო სასამართლოში გაასაჩივრეს. დაცვის მხარე აღკვეთის ღონისძიების გარეშე მათ გათავისუფლებას ან გირაოს შეფარდებას ითხოვს.

ენმ-ს მხარდამჭერები თავს დამნაშავედ არ სცნობენ. შეგახსენებთ, რომ 6 პირი სამართალდამცავებმა სპეცოპერაციის შედეგად საკუთარ საცხოვრებელ სახლებში აიყვანეს.

მათ 8 ოქტომბერს საპარლამენტო არჩევნების დღეს, საარჩევნო კომისიის მუშაობისათვის ხელის შეშლა და პოლიციისთვის ჯგუფურად წინააღმდეგობის გაწევა ედებათ ბრალად.