"რუსთავი 2"-ის საქმეზე გადაწყვეტილების გამოცხადების თაობაზე ინფორმირებული არ ვარ

"რუსთავი 2"-ის საქმეზე გადაწყვეტილების გამოცხადების თაობაზე ინფორმირებული არ ვარ - ტურავა

სამართალი - 14:26, 30 Sep, 2016

3179

საკონსტიტუციო სასამართლოს მოსამართლე მერაბ ტურავა აცხადებს, რომ მას დღეს "რუსთავი 2"-ის საქმეზე გადაწყვეტილების გამოცხადების თაობაზე ინფორმაცია არ აქვს.
მისი თქმით, "რუსთავი 2"-ის საქმესთან დაკავშირებით სამუშაო შეხვედრა, რომელიც გადაწყვეტილების გამოცხადებამდე უნდა შედგეს, არ ყოფილა.
"გუშინ, საორგანიზაციო სამსახურთან კონტაქტის დროს საუბარი იყო მხოლოდ სამ სარჩელზე გადაწყვეტილების გამოცხადების შესახებ და მათ შორის არ ყოფილა "რუსთავი 2"-ის საქმე. ამ საქმეზე გუშინ არ გვქონია მსჯელობა, არც ელექტრონული ფოსტით არ მიმიღია შეტყობინება, რომ დღეს ამ საკითხზე ცხადდებოდა გადაწყვეტილება. სამუშაო ფორმატში გავარკვევ. ძალიან ცუდია, რომ ჟურნალისტებზე გვიან ვიგებ, 14:00-დან 15:00 საათამდე გამოცხადების შესახებ. მე ვიცი და მაქვს შეტყობინება, რომ 15:00 საათიდან 17:00 საათამდე იქნება სამ საქმეზე გადაწყვეტილების გამოცხადება"- აღნიშნა მერაბ ტურავამ.

საკონსტიტუციო სასამართლო ტელეკომპანია „რუსთავი 2“-ის საქმეზე გადაწყვეტილებას დღეს გამოაცხადებს, ამის შესახებ ინფორმაციას სასამართლოს ვებ-გვერდზეა განთავსებული:

„სქმე N675,681 (მოსარჩელე - შპს „სამაუწყებლო კომპანია რუსთავი 2“, შპს „ტელეკომპანია საქართველო“; მოპასუხე - საქართველოს პარლამენტი; დავის საგანი - სამოქალაქო საპროცესო კოდექსის 268-ე მუხლის პირველი ნაწილის „ზ“ ქვეპუნქტი, 269-ე მუხლის მე-2 ნაწილის წინადადება, 271-ე მუხლი, 198-ე მუხლის მე-2 ნაწილის „გ“ ქვეპუნქტი, 198-ე მუხლის მე-3 ნაწილის პირველი წინადადება)“