საქართველოს მთავარი პროკურატურა შინაგან საქმეთა მინისტრის ყოფილ მოადგილეს, გია ლორთქიფანიძეს დაკითხვაზე იბარებს. საუბარია 2011 წლის 26 მაისის ნინო ბურჯანაძს მიერ ორგანიზებული აქციის დარბევის საქმეზე.

დღეს გავრცელებულ განცხადებაში ნათქვამია, რომ საგამოძიებო უწყება ლორთქიფანიძეს საპროცესო მოქმედებაში მონაწილეობის მისაღებად იბარებს და მიცემული აქვს გონივრული ვადა გამოცხადების მიზნით.

საქართველოს მთავარმა პროკურატურამ დღეს გაავრცელა განცხადება, რომლის თანახმადაც 2011 წლის 26 მაისის აქციის დარბევის საქმეში ბრალი წარედგინათ დათა ახალაიას, ლევან ქარდავას, ვასილ ლილუაშვილსა და რევაზ შიუკაშვილს.