ტელეკომპანია რუსთავი 2-ის გენერალური დირექტორი ნიკა გვარამია შინაგან საქმეთა სამინისტროში დაკითხვაზე მივიდა, თუმცა შენობაში ვერ შევიდა, რადგან მასზე საშვი არ იყო დაშვებული. მოგვიანებით გვარამია უწყებაში შეუშვეს.

ის დაკითხვაზე მას შემდეგ დაიბარეს, რაც მისი და პაატა ბურჭულაძის სატელეფონო საუბრის ინტერნეტში გავრცელების საქმეზე გამოძიება დაიწყო. დღეს საგამოძიებო ორგანოში ასევე გამოცხადდა პაატა ბურჭულაძეც.

შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს კიბერდანაშაულთან ბრძოლის სამმართველომ, პირადი მიმოწერის, ტელეფონით საუბრის ან სხვაგვარი ხერხით შეტყობინების საიდუმლოების დარღვევის ფაქტზე გამოძიება 14 სექტემბერს დაიწყო.