"ოცნების" დროშა საბავშვო ბაღის შენობაზე და სასკოლო ავტობუსი პოლიტიკური მიზნისთვის-კომისიის დასკვნა

რეგიონები - 16:02, 14 Sep, 2016

2352

ლანჩხუთის მუნიციპალიტეტის სოფელ ლესაში, საბავშვო ბაღზე „ქართული ოცნების“ დროშის აღმართვის გამო „უწყებათაშორისი კომისიამ“ რამდენიმე პირს პასუხისმგებლობა დააკისრა

ამის შესახებ "გურიის მოამბეს" კომისიიდან აცნობეს

თავისუფალი და სამართლიანი არჩევნებისთვის უწყებათაშორისი კომისიის სხდომაზე -

ლანჩხუთის ბაღების გაერთიანების ხელმძღვანელს გაფრთხილება-დისციპლინური პასუხისმგებლობის ზომა-გაფრთხილება;

ა (ა) იპის ადმინისტრაციამ ზონის უფროსს გამოუცხადა სასტიკი საყვედური

ლესის ადმინისტრაციულ ერთეულში გამგებლის წარმომადგენელს - დისციპლინური პასუხისმგებლობის ზომა-გაფრთხილება

აღნიშნულ მშენებლობაზე მუნიციპალიტეტის მიერ გამოყოფილი საჯარო მომსახურების ზედამხედველს - დისციპლინური პასუხისმგებლობის ზომა-გაფრთხილება

რეგიონული განვითარებისა და ინფრასტრუქტურის სამინისტროს წარმომადგგენელმა განაცხადა რომ რეაგირების სახით, ვინაიდან სააგიტაციო მასალის განთავსება დაუყონებლივ არ იქნა აღკვეთილი საბავშვო ბაღების გაერთიანების მიერ, ა (ა) იპი „ლანჩხუთის მუნიციალიტეტის სკოლამდელი სააღმზრდელო საგანმანათლებლო ცენტრის“ ხელმძღვანელისადმი გამოყენებულ იქნა დისციპლინური პასუხისმგებლობის ზომა-გაფრთხილება. თავის მხრივ, ა (ა) იპის ადმინისტრაციამ ზონის უფროსს გამოუცხადა სასტიკი საყვედური. ასევე, იმის გამო, რომ მუნიციპალიტეტის გამგეობა ზემოაღნიშნულის თაობაზე დროულად არ იყო ინფორმირებული, კიდევ ორი პირის ლესის ადმინისტრაციულ ერთეულში გამგებლის წარმომადგენლისა და აღნიშნულ მშენებლობაზე მუნიციპალიტეტის მიერ გამოყოფილი საჯარო მომსახურების ზედამხედველის მიმართ, გამოყენებულ იქნა დისციპლინური პასუხისმგებლობის ზომა-გაფრთხილება.

სკოლის ავტობუსის გამოყენებასთან დაკავშირებით კი, განათლბის მინისტრის მოადგილემ, ლია გიგაურმა განაცხადა, რომ საქართველოს მთავრობის 2010 წლის 01 ოქტომბრის #302 დადგენილებით განსაზღვრული წესის შესაბამისად, სსიპ ქვიანის საჯარო სკოლის მიერ, ადგილობრივი თვითმმართველობის ორგანოს სარგებლობის უფლებით, შესაბამისი ხელშეკრულების საფუძველზე გადაეცა სკოლის ბალანსზე არსებული ავტობუსი, რომელიც გამოყენებულ იქნა ზემოაღნიშნულ ღონისძიებაზე მოსახლეობის ტრანსპორტირების მიზნით.

თავისუფალი და სამართლიანი არჩევნებისთვის უწყებათაშორისი კომისიის სხდომაზე, რომელიც 24 აგვისტოს გაიმართა, „ახალგაზრდა იურისტთა ასოციაციის“ ხელმძღვანელის, ანა ნაცვლიშვილის მიერ დაყენებული იყო სხვადასხვა საკითხები საარჩევნო კანონმდებლობის შესაძლო დარღვევის რამდენიმე ფაქტის თაობაზე. მათ შორის, მან ისაუბრა ლანჩხუთის მუნიციპალიტეტის საბავშვო ბაღის შენობაზე „ქართული ოცნების“ დროშის აღმართვის, სკოლის ქვიანის სკოლის ავტობუსით „ქართული ოცნების“ შეხვედრაზე მხარდამჭერების გადაყვანის საკითხები.

ორთავე ინფორმაცია ექსკლუზიურად „გურიის მოამბემ“ გაავრცელა.

წყარო: http://guriismoambe.com/index.php?m=68&news_id=20103