პაატა ბუჭულაძის პარტიის "სახელმწიფო ხალხისთვის" ყოფილი წევრი ხათუნა ლაგაზიძე, თბილისის პროკურატურაში გამოკითხვაზე იყოფებოდა. ლაგაზიძემ საგამოძიებო სამსახურის უფროსის მოადგილეს ჩვენება მის მიმართ განხორციელებულ მუქარის შესახებ გაკეთებულ განცხადებასთან დაკავშირებით მისცა. საუბარია იმ განცხადებაზე, სადაც უსაფრთხოების მიზნით, ის სახელმწიფოსგან მისი და მისი ოჯახის წევრების დაცვას ითხოვდა.

ლაგაზიძის თქმით, გამოკითხვის დროს საუბარი შეეხო სახელმწიფო ხალხისთვის აჭარის რეგიონის სიის პირველ ნომერს გიორგი კალაძეს, რომელიც ლაგაზიძის მტკიცებით, კრიმინალური მენტალობის მქონე პირია, ზედმეტსახელად „კალოშა“. ლაგაზიძეს არ დაუკონკრეტებია დაუნიშნავს თუ არა მას სახელმწიფო დაცვას და არც ის, აპირებს თუ არა საგამოძიებო უწყება, მის მიერ დასახელებული პირის დაკითხვას.