საქართველოს პრეზიდენტმა საკონსტიტუციო სასამართლოს მოსამართლეებად უშიშროების საბჭოს მდივანი ირინა იმერლიშვილი და პრეზიდენტის ყოფილი საპარლამენტო მდივანი, გიორგი კვერენჩხილაძე დანიშნა.

გიორგი კვერენჩხილაძე საკონსტიტუციო სასამართლოს სამ ძირითად ფუნქციაზე საუბრობს და აცხადებს, რომ ყველაფერი უნდა გაკეთდეს იმისათვის, რომ საკონსტიტუციო სასამართლომ ღირსეულად შეძლოს საქმიანობა:

„საკონსტიტუციო სასამართლოს ზოგადად აქვს სამი ძირითადი ფუნქცია, ეს არის კონსტიტუციის უზენაესობის დაცვა, ხელისუფლების შტოებს შორის ბალანსის უზრუნველყოფა და ადამიანის უფლებებისა და თავისუფლებების დაცვა. თითოეულმა მოსამართლემ, ქვეყნის თითოეულმა მოქალაქემ, ყველაფერი უნდა გააკეთოს იმისთვის, რათა საკონსტიტუციო სასამართლომ ღირსეულად შეძლოს თავისი ძირითადი ფუნქციების შესრულება“, - განაცხადა გიორგი კვერენჩხილაძემ.