გავრცელებული ინფორმაციით, ურეკი წვერმაღალის (ოზურგეთის რაიონი) ტერიტორიაზე არსებული ქარსაფარი ზოლის განადგურების, კერძოდ მასში დიდი რაოდენობით ნაძვის ხეების ჭრის გამო, პოლიციამ სისხლის სამართლის საქმე აღძრა და ოზურგეთის რაიონის რამდენიმე თემის ხელმძღვანელს ბრალი წაუყენა.

როგორც "გურიის მოამბეს" აცნობეს, სოფლის გამგებლები იძლეოდნენ ცნობებს, თითქოს ეს ხეები ამა თუ იმ პირის კერძო საკუთრებაშია და სინამდვილეში ეს "პირები" ხეებს სახელმწიფო საკუთრებაში არსებულ ქარსაფარ ზოლში ჭრიდნენ.

წყაროს ინფორმაციით, ამ ყალბი დოკუმენტაციით, 4 ათას ძირზე მეტი ხეა მოჭრილი ოზურგეთში, მისივე ცნობით, მათ ვინც პოლიციამ ბრალი წაუყენა, ერთ ერთი ნატანების გამგებელი ილო თავაძეა:

„როგორ გეკადრებათ მე რა შუაში ვარ, პირმა, რომელმაც იმაიმუნა ჩემს მიერ გაცემულ ცნობას, რომელიც რამდენიმე ხეს ეხებოდა, მიაყოლა ქარსაფარი ზოლის ხეები და ბრალიც მას წაუყენეს. მე ცნობა მხოლოდ მის საკუთრებაში არსებული ხეების მოჭრაზე გავეცი"-გვიპასუხა თავაძემ, როცა ჩვენ მომხდართან დაკავშირებით კომენტარი ვთხოვა.

"გურიის მოამბე"-ბატონო ილო პოლიციამ დაგკითხათ თქვენ ამასთან დაკავშირებით და ბრალი წაგიყენეს?

ილო თავაძე-როგორ გეკადრებათ პოლიციას მე არ დავუკითხივარ, დაკითხა ის, ვინც იმაიმუნა და ბრალიც მას წაუყენა, ეს აქაურია, ზ.ჩ-ძეა.

"გურიის მოამბე"-შსს ში ბატონო ილო დაგვიდასტურეს, რომ ტქვენს მიმართ კითხვები ჰქონდათ და თქვენ უარყოფთ?

ილო თავაძე-არა, კითხვებს არ ვუარყოფ, დამიბარეს პოლიციაში და კითხვები მართლაც დამისვეს და მე ვუპასუხე.

წყარო:Guriismoambe.com