სკანდალი: არჩევნებში დახმარების სანაცვლოდ, "ოცნებამ" ფეიქრიშვილებს შვილის გათავისუფლება შესთავაზა

სამართალი - 10:36, 06 Sep, 2016

6217

იარაღისა უკანონო შენახვისთვის დაკავებული გიორგი ფეიქრიშვილისა და ნოდარ ნიშნიანიძის ახლობლები სამართალდამცველების მხრიდან უკანონო ქმედებაზე საუბრობენ და სასამართლოსგან სამართლიან განაჩენს ითხოვენ.
გიორგი ფეიქრიშვილის დედამ რუსთავი2-თან საუბარში სკანდალური ინფორმაცია გაასაჯაროვა, ნინო ფეიქრიშვილის თქმით, გუშინ მათთან სახლში „ქართული ოცნების“ მაჟორიტარობის კანდიდატის დავით ჭიჭინაძის წარმომადგენელი იმყოფებოდა, რომელმაც არჩევნებში დახმარებისა და მხარდაჭერის სანაცვლოდ, დახმარება და გიორგი ფეიქრიშვილის ძმის დავით ფეიქრიშვილის გათავისუფლება შესთავაზა.

„ჩვენთან იყრის კენჭს ასეთი დეპუტატი ჭიჭინაძე და ამ დეპუტატმა გამოაგზავნა თავისი წარმომადგენელი ავლაბარში, რომ დაგვეხმარეთ და ჩვენც დათოს გავათავისუფლებთო. პასუხი ასეთი მიიღო, რომ დათოს კი არ დაეხმარე, ჯერ ტელევიზორს შეხედე რა ხდება იქ. მეორე ძმას და მის ოჯახს რა მდგომარეობა აქვს,“- განაცხადა ნინო ფეიქრიშვილმა.

იარაღისა უკანონო შენახვისთვის დაკავებული გიორგი ფეიქრიშვილისა და ნოდარ ნიშნიანიძისთვის აღმკვეთი ღონისძიების შეფარდებაზე თბილისის საქალაქო სასამართლომ დღეს უნდა იმსჯელოს.