დღეს ლეგენდარული ფრედი მერკურის დაბადების დღეა

ეს საინტერესოა - 13:39, 05 Sep, 2018

5756

მსოფლიო, უდიდესი როკ-შემსრულებლის, ცნობილი როკ-ჯგუფ Queen-ის წევრის, ფრედი მერკურის (ფაროჰ ბულსარა) დაბადების დღეს აღნიშნავს. მომღერალს დღეს 73 წელი შეუსრულდებოდა.

მერკური ტანზანიაში, ზანზაბარის კუნძულზე დაიბადა, თუმცა ინდოეთში გაიზარდა. სწორედ ამიტომ, ბრიტანეთის პირველ აზიელ როკ-ვარსკვლავად შერაცხეს.

1969 წელს მან ჩამოაყალიბა ჯგუფი „Ibex, რომლის სახელი მალევე გადაკეთდა „Wreckage-დ. ჯგუფი დაიშალა. 1970 წლისთვის იგი შევიდა „Sour Milk Sea შემადგენლობაში, რომელიც ასევე დაიშალა.

ამავე წლის აპრილში მერკურიმ გაიცნო გიტარისტი ბრაიან მეი და დრამერი როჯერ ტეილორი, რომელთა ჯგუფსაც „Smileერქვა. იგი შეუერთდა მათ და ჯგუფსაც ახალი სახელი Queen შეურჩია. სწორედ ამ დროისთვის მან კანონიერად გადაირქვა სახელი ფრედი მერკურად.

ფრედი მერკური საოცარი ვოკალური შესაძლებლობებით გამოირჩეოდა. ქმნიდა ასევე უკვდავ ჰიტებს. როგორც კომპოზიტორმა შექმნა უამრავი მსოფლიო ჰიტი, მათ შორის:

We Are the Champions , Killer Queen, Bohemian Rhapsody; Somebody to Love; Don't Stop Me Now და Crazy Little Thing Called Love.

1991 წლის 23 ნოემბერს მერკურმა ოფიციალური განცხადება გააკეთა და საზოგადოებას ამცნო, რომ შიდსის ვისურისთ იყო დაინფიცირებული. მეორე დღეს კი, 45 წლის მუსიკოსი ლონდონში, საკუთარ სახლში ვირუსისგან გამოწვეული ფილტვების ანთებით გარდაიცვალა.