"რუსთავი 2 ხალვაშის არასდროს ყოფილა. ის იყო ფიქტიური მესაკუთრე"- ნიკა გვარამია

სამართალი - 10:55, 05 Sep, 2016

2405

რუსთავი2-ის გენერალური დირექტორის ნიკა გვარამიას განცხადებით, ქიბარ ხალვაშის პრეტენზიები რუსთავი 2-ზე არის სამართლებრივად აბსოლუტურად უსაფუძვლო და რეალური სასამართლოს პირობებში მათი დაკმაყოფილება შეუძლებელია. აღნიშნული განცხადება გვარამიამ იმ სკანდალური დოკუმენტის გასაჯაროების შემდეგ გააკეთა, რომლის მიხედვითაც ქიბარ ხალვაში, რომელიც რუსთავი 2-ზე პრეტენზიას აცხადებს, თავად აღიარებს, რომ სამაუწყებლო კომპანიის ყველა უფლება ირაკლი ოქრუაშვილს ეკუთვნის.

ქიბარ ხალვაშის პრეტენზიები რუსთავი 2-ზე არის სამართლებრივად აბსოლუტურად უსაფუძვლო და მათი დაკმაყოფილება შეუძლებელია თუ არ ჩავთვლით იმ გარემოებას, რომ სასამართლო არ იყო რეალურად სასამართლო. ნებისმიერ ვითარებაში, ოდნავ დემოკრატიული სასამართლოს პირობებშიც, ეს სარჩელი ვერ იქნებოდა დაკმაყოფილებული, მაგრამ ამ დოკუმენტის წარდგენის შემდეგ, ქიბარ ხალვაში საერთოდ ფორმალურად პრეტენზიის წარმდგენიც ვერ იქნება, იმდენად რამდენადაც, როგორც ამ დოკუმენტიდან იკვეთება, რუსთავი 2 მისი არასდროს ყოფილა. ის იყო ფიქტიური მესაკუთრე, წარმოადგენდა მხოლოდ სახელს და გვარს და ფარავდა რეალურად სხვა მესაკუთრეს. ისევე როგორც დღეს წარმოადგენს მხოლოდ სახელს და გვარს და ფარავს სხვა მოსარჩელეს ბიძინა ივანიშვილს,“- არხის გენერალურმა დირექტორმა განაცხადა ნიკა გვარამიამ.